एमसीसीबारे गठबन्धनमा सहमतिको प्रयास विफल, संसदमा पेस गरिँदै

गठबन्धन सरकारको नेतृत्व गरेको नेपाली कांग्रेसका सांसदहरु र केही मन्त्रीहरुको कुरालाई आधार मान्ने हो भने अमेरिकी आर्थिक सहयोग परियोजना मिलेनियम च्यालेन्ज कर्पोरेसन (एमसीसी) सम्झौता फागुन ४ को संसद बैठकमा टेबल हुनेछ।

कांग्रेसले संसदीय दलको बैठकबाट एमसीसीको पक्षमा मतदान गर्ने निर्णय गराइसकेको छ। प्रधानमन्त्री शेरबहादुर देउवाले पनि एमसीसी सम्झौता संसदमा पेस गर्ने निर्णयबाट पछि नहट्ने प्रष्ट पारिसकेका छन्।