वैदेशिक रोजगार समस्या समाधान गर्न ऐन संशोधनको तयारी

काठमाडौं । युवा, श्रम तथा रोजगार मन्त्री रामजी यादवले वैदेशिक रोजगार क्षेत्रमा देखिएका समस्या समाधान गर्न नीतिगत सुधार र ऐन संशोधनको तयारी भइरहेको बताएका छन् ।

आइतबार काठमाडौंमा आयोजित राष्ट्रिय युवा उद्यमशीलता सम्मेलन २०८३ लाई सम्बोधन गर्दै मन्त्री यादवले मन्त्रालयको अधिकांश काम वैदेशिक रोजगारसम्बन्धी समस्या समाधानमै केन्द्रित रहेको उल्लेख गरे ।उनकाअनुसार मन्त्रालयमा आउने उजुरी, गुनासा र समस्या अधिकांश वैदेशिक रोजगारसँग सम्बन्धित हुने भएकाले पहिले त्यस क्षेत्रलाई व्यवस्थित गर्न आवश्यक रहेको छ ।