खेलाडीमाथि एन्फाको खेलाची : नेपालको खेल भोलि आजसम्म छैन जर्सीको टुङ्गो

इलाम : दक्षिण एसियाली फुटबल महासंघ (साफ) यु–१९ च्याम्पियनसिपको उद्घाटन खेल अघिसम्म नेपालले जर्सी पाएको छैन। त्रिपुरेश्वरस्थित दशरथ रंगशालामा बिहीबार साँझ ५: ३० मा सुरु हुने खेलमा पाकिस्तानको सामना गर्ने तालिका छ। तर खेल हुनुभन्दा २० घण्टा अघिसम्म नेपाली टोलीले स्पाेट्स सुज, किट व्याग, ट्रयाक, मोजा, जर्सी पाएकाे छैन।

बक्यौता रकम नतिरेपछि नेपाली टोलीको मुख्य प्रायोजक केटीएम सिटीले खेलाडीलाई किट्स उपलब्ध गराएको छैन। एन्फा वरिष्ठ उपाध्यक्ष वीरबहादुर खड्काले किट्सका लागि अध्यक्ष र महासचिवलाई ताकेता गरेको बताए। उनले अध्यक्ष पंकजविक्रम नेम्वाङ र महासचिव किरण राईले बिहानैबाट किट्स हालसम्म नआएको पटकपटक जानकारी गराएको बताए।