भुईमा लत्रिएको तार छुँदा बैतडीमा एक बालकको मृत्यु

बैतडी । बैतडीको सिगास गाउँपालिकाको करिव ८० प्रतिशत भु–भागमा विद्युतसेवा विस्तार हुँन बाँकी रहेको छ भने विस्तार भएको केही ठाउँमा पनि अव्यवस्थित विद्युतिकरणका कारण दुःखद घटना हुने गरेको छ । शुक्रबार भुईमा लत्रिएको विद्युत तार छोइएपछि एक बालकको मृत्युु भएको छ ।

सिगास गाउँपालिका–९ बाजँपानी निवासी दिपक बोहराका १२ वर्षीय छोरा बसन्त बोहराको मृत्यु भएको हो । मध्याह्न करिब १२ बजेको समयमा स्थानीय घुम्तीमोड नजिकैको जङ्गलमा बाख्रा चराउन गएका बोहराले समातेको लट्ठीले जमिन नजिकै भएर तानिएको विधुतको तारमा छाइएपछि करेन्ट लागेर मृत्यु भएको स्थानीय डबल बोहराले जानकारी दिए ।