जेन–जी युवाले अध्ययन र अदालतमा देखेको अन्तर

काठमाडौँ । सन् १९९७ देखि २०१२ को बिचमा जन्मिएका व्यक्तिलाई जेन–जी पुस्ताका रूपमा चिनिन्छ । यिनीहरूलाई ‘डिजिटल नेटिभ्स’ पनि भनिन्छ, किनभने यो इन्टरनेट, स्मार्टफोन, सामाजिक सञ्जाल र प्रविधिसँगै हुर्किएको पुस्ता हो । प्रविधिमा निर्भर, सामाजिक सञ्जालमा सक्रिय र अतिरिक्त क्षमताका कारण यिनीहरू अघिल्ला पुस्ताभन्दा फरक मानिन्छन् ।

यो पुस्ता मतदान गर्न योग्य हुँदै गएकाले आगामी राजनीतिक परिदृश्य निर्धारणमा पनि भूमिका निर्वाह गर्नेछ । राजनीति, उद्यम, कला, स्टार्टअपसँगै न्याय सेवामा पनि यो पुस्ता सक्रिय हुँदै गएको छ । ३२ औँ अधिवक्ता परीक्षा उत्तीर्ण ९०० कानुन व्यवसायीले हालैमात्रै प्रमाणपत्र लिएका छन् । तीमध्ये धेरै जेन–जी पुस्ताका छन् ।