छुट्टाछुट्टै सडक दुर्घटनामा चार जनाले ज्यान गुमाए, दुई घाइते

काठमाडौँ । देशका विभिन्न स्थानमा भएका छुट्टाछुट्टै सवारी दुर्घटनामा परेर चार जनाको मृत्यु भएको छ। मोरङ, सप्तरी, चितवन र नवलपरासी पूर्वमा भएका यी दुर्घटनामा परी अन्य दुई जना घाइते भएका छन्।

मोरङको धनपालथान गाउँपालिका वडा नम्बर २ ललिया चोकस्थित सडकमा बिहीबार दिउँसो सिटी सफारीको ठक्करबाट एक जना पैदलयात्रीको मृत्यु भएको छ। दक्षिण अमाहिबरियातिबाट उत्तर कर्सियातर्फ जाँदै गरेको प्रदेश १-०२-००४ ह ५९९५ नम्बरको सिटी सफारीले ठक्कर दिँदा सोही ठाउँका ५५ वर्षीय उमेश मण्डलको मृत्यु भएको हो। ठक्करबाट गम्भीर घाइते भएका मण्डलको न्यूरो अस्पताल विराटनगरमा उपचारका क्रममा मृत्यु भएको प्रहरीले जनाएको छ। सिटी सफारी चालकलाई प्रहरीले नियन्त्रणमा लिएको छ।