आईपीएल : पञ्जाबविरुद्ध कोलकाताको जित

इण्डियन प्रिमियर लिग (आईपीएल) अन्तर्गत सोमवार भएको खेलमा कोलकाता नाइट राइडर्सले पञ्जाब किङ्समाथि जित निकालेको छ। अहमेदावादको नरेन्द्र मोदी स्टेडियममा सम्पन्न खेलमा कोलकाताले पञ्जाबमाथि ५ विकेटको जित निकालेको हो।

टस हारेर ब्याटिङको निम्तो पाएको पञ्जाबले निर्धारित २० ओभरमा ९ विकेट गुमाउँदै १२३ रन बनाएको थियो। जवाफी ब्याटिङमा उत्रिएको कोलकाताले १६ दशमलब ४ ओभरमा ५ विकेटको क्षतिमा लक्ष्य पूरा गर्‍यो।