युनिकोड र प्रिति फन्टको प्राविधिक समस्याले मंगलबार मतदान हुन सकेन: महासचिव पोखरेल

काठमाडौँ। नेकपा (एमाले) को नयाँ नेतृत्व चयनका लागि मंगलबार हुने भनिएको मतदान प्राविधिक समस्याका कारण स्थगित भएको छ । निर्वाचन आयोगले तयार पारेको उम्मेदवार नामावलीमा युनिकोड र प्रिति फन्ट मिश्रित रूपमा प्रयोग हुँदा समस्या देखिएपछि मतदान बुधबार बिहान ८ बजेदेखि सुरु गर्ने निर्णय गरिएको एमाले महासचिव शंकर पोखरेलले बताएका छन् ।

महासचिव पोखरेलका अनुसार नामावलीलाई पूर्ण रूपमा युनिकोडमा रूपान्तरण गरी रुजु गर्न समय लाग्ने भएपछि मंगलबार निर्वाचन प्रक्रिया अघि बढ्न सकेन । उनले आयोगको निर्देशनअनुसार मतदान एक दिनका लागि स्थगित गरिएको स्पष्ट पारेका छन् ।