गाजामा राहत सामग्रीको पहुँचलाई लिएर इजरायलको निर्णयमा संयुक्त राष्ट्रसंघको स्वागत

गाजामा युद्धका कारण उत्पन्न मानवीय संकट झनै गम्भीर बन्दै गएको सन्दर्भमा, इजरायलले केही सुरक्षित स्थलमार्गहरूबाट मानवीय सहायता सामग्री पठाउन अनुमति दिएको निर्णयलाई संयुक्त राष्ट्रसंघले स्वागत गरेको छ ।

संयुक्त राष्ट्रसंघका आपतकालीन सहायता समन्वयक टम फ्लेचरले यस निर्णयप्रति सकारात्मक प्रतिक्रिया दिँदै, यो अवसरमा सयौं हजार भोकमरी पीडित नागरिकहरूसम्म सहायता पु¥याउने प्रयास गरिने बताउनुभयो । उहाँले सामाजिक सञ्जालमार्फत भन्नुभयो, “गाजामा मानवीय सहायता पठाउने अनुमति दिइएको सूचना स्वागतयोग्य छ । हाम्रो टोली यथासम्भव धेरै मानिससम्म पुग्ने प्रयासमा जुटिरहेको छ ।”