गण्डकी विश्वविद्यालयमा उपकुलपति नियुक्तिका लागि आवेदन आह्वान

पोखरा। प्रदेश सरकारद्वारा सञ्चालन हुँदै आएको गण्डकी विश्वविद्यालयमा रिक्त रहेको उपकुलपति पदका लागि आवेदन आह्वान गरिएको छ । उपकुलपति सिफारिसका लागि गठित समितिले सूचना प्रकाशन गर्दै इच्छुक तथा योग्य व्यक्तिहरूबाट दरखास्त माग गरेको हो ।

प्रदेश सरकारले हालै विश्वविद्यालय ऐन संशोधन गर्दै उपकुलपति पदका लागि आवश्यक योग्यता थप कडा बनाएको छ । संशोधित ऐनअनुसार अब उपकुलपति बन्न उम्मेदवारले विद्यावारिधि (पीएचडी) उपाधि हासिल गरेको हुनुपर्नेछ । साथै, सम्बन्धित क्षेत्रमा कम्तीमा ८ वर्षको कार्य अनुभव र ४० वर्ष उमेर पूरा भएको हुनुपर्ने व्यवस्था गरिएको छ ।