गण्डकीमा को सत्ता, को प्रतिपक्ष ?

पोखरा । गण्डकी प्रदेशसभाको दोस्रो कार्यकालको पहिलो बैठक सोमबार बसेको छ । प्रदेशसभाका ज्येष्ठ सदस्य मित्रलाल बस्यालको अध्यक्षतामा बसेको पहिलो बैठकमा सरकारले यसअघि ल्याएका दुई वटा अध्यादेश टेबल भए ।

प्रदेश निजामती सेवा र स्थानीय सेवा गठन तथा सञ्चालन सम्बन्धी अध्यादेश टेबल भएको हो । सरकारले ल्याएका अध्यादेशहरु संसद बसेको पहिलो बैठकमै पेस गर्नुपर्ने कानुनी प्रावधान छ । सोही अनुसार अध्यादेश टेबल गरिएको हो ।