मुख्य सामग्रीमा जानुहोस्

समाचार

देश

कांग्रेसले लेखेटे एमालेसँग पनि चुनावी तालमेल हुनसक्छः प्रचण्ड

saralpatrika.com · Thu Mar 17 06:49:00 GMT 2022

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आगामी निर्वाचनमा एमालेसँग गठबन्धन हुन सक्ने संकेत गरेका छन् । बिहीबार प्रेस सेन्टरले रुपन्देहीमा गरेको पत्रकार सम्मेलनमा अध्यक्ष प्रचण्डले नेपाली कांग्रेसले लखेट्न थालेमा परिस्थिति अर्कै हुनसक्ने बताएका हुन् ।

उनले राजनीतिमा असम्भव केही नहुने भएकाले गठबन्धन जुनसुकै दलसँग हुन सक्ने बताए । उनले भने,‘एमसीसीका सन्दर्भमा हामीले एमालेसँग पनि छलफल गर्यौं । तर एमाले अध्यक्ष केपी ओलीले विगतको १९ पृष्ठको आरोपको ख्याल गरेर आउनु भन्नुभयो । अनि सभामुखलाई हटाउनु पहिला भन्नु भयो । उहाँका कुरा सुन्दा किन छलफल गर्न आइयो भन्ने लाग्यो । त्यसले गर्दा तत्काल एमालेसँग सहमति हुने सम्भावना छैन । कांग्रेससँगको व्यवहारमा पनि भरपर्ने कुरा हो यो । राजनीतिमा असम्भव हुने कुरा हुँदैन । राजनीति सम्भावनाको खेल पनि हो । माओवादीसँग कुनै हालतमा तालमेल हुँदैन भनेर कांग्रेस नेताहरु भनिरहेका छन् । कांग्रेसले लखेट्न थाल्यो भने परिस्थिति के हुन्छ भन्ने निश्चित छैन । मैले भनेको अवस्था आउला भन्ने लागेको छैन । किनकी प्रधानमन्त्री चाहिँ उहाँका नेताहरुलाई गठबन्धनकाविरुद्ध नजान भनिरहनु भएको छ । गठबन्धनमा रहेका पार्टीहरुको मृख्य नेतृत्वमा तालमेल गर्ने कुरामा कुनै विमति छैन ।’

स्रोतमा पूरा पढ्नुहोस् (saralpatrika.com)