माओवादी केन्द्रीय समिति बैठक : प्रदेश इञ्चार्ज र अध्यक्षहरूको ‘रिपोर्टिङ’

काठमाडौँ- नेपाल कम्युनिष्ट पार्टी (माओवादी केन्द्र) को आजदेखि सुरु भएको केन्द्रीय समितिको बैठकमा नेताहरूले आ-आफ्नो प्रदेशको पछिल्लो अवस्थाका बारेमा जानकारी गराएका छन् ।

बैठकमा प्रदेशका ‘इञ्चार्जमा’ र अध्यक्षहरूले आ-आफ्नो प्रदेशको अवस्थाका बारेमा जानकारी गराएको पार्टीका सचिव गणेश साहले जानकारी दिए । बैठकमा कोशी प्रदेशका इञ्चार्ज चक्रपाणी खनाल र अध्यक्ष हर्कबहादुर नेम्वाङ, मधेस प्रदेशका इञ्चार्ज लिलामणि पोखरेल, बागमती प्रदेशका इञ्चार्ज जनार्दन शर्मा र अध्यक्ष सरल सहयात्री पौडेल, गण्डकी प्रदेशका इञ्चार्ज देवेन्द्र पौडेल र अध्यक्ष गायत्री गुरुङले ‘जनतासँग माओवादी विशेष अभियान’ का सन्दर्भमा ‘रिपोर्टिङ’ गरेका थिए ।