केन्द्रीय समिति सानो बनाउन माओवादी नेतृत्वलाई सुझाव

काठमाडौं । नेपाल कम्युनिस्ट पार्टी (माओवादी केन्द्र)का नेताले पार्टीको प्रदेश समिति र स्थानीय समितिलाई बलियो बनाउँदै केन्द्रीय समितिलाई सानो आकारको बनाउनुपर्ने सुझाव दिएका छन् । पार्टी केन्द्रीय समिति ‘भद्रगोल’ भएको जनाउँदै उनीहरूले केन्द्रीय समिति र विभागलाई सानो आकारको बनाउनुका साथै विभागमा बढीभन्दा बढी विज्ञलाई राख्नुपर्ने समेत पार्टी नेतृत्वलाई सुझाव दिएका छन् ।

१–३ फागुनमा काठमाडौंमा माओवादी केन्द्रले विधान सम्मेलन गर्दै छ । सो सम्मेलनअघि शनिबार र शुक्रबार स्थायी समितिको बैठक बस्यो । आइतबार र सोमबार केन्द्रीय समितिको बैठक काठमाडौंमा बस्दै छ ।