प्रिमियर लिग : म्यान्चेस्टर सिटी ४-० ले पराजित, पेप ग्वार्डिवलालाई झट्का

काठमाडौं । इंग्लिश प्रिमियर लिगमा पेप ग्वार्डिवला नेतृत्वको शीर्षस्थ टोली म्यान्चेस्टर सिटीले नराम्ररी हार व्यहोर्नु परेको छ । म्यान्सिटी घरेलु मैदानमै टोटनह्याम हटस्परसँग ४-० गोल अन्तरले पराजित हुन पुगेको हो ।

यो हारलाई लिएर टिम म्यानेजर ग्वार्डिवलाको व्यापक आलोचना भएको छ । यो क्षणलाई उनको सबैभन्दा ठूलो हार भनिएको छ । उनलाई ४-० को झट्का लागेको यो चौथो पटक हो । यसअघि उनले २०१७ मा एभर्टन, च्याम्पियन्स लिगमा बार्सिलोना र २०१४ मा वायर्न म्युनिखसँग यस्तो हारको सामना गर्नु परेको थियो ।