कतार विश्वकप फुटबलमा इक्वेडरको विजयी शुरुआत, आयोजक निराश

काठमाडौं । कतार विश्वकप २०२२ मा आयोजक टिम निराश भएको छ । विश्वकपको पहिलो तथा डेब्यु खेलमा कतार पराजित भएको हो । कतारको अल बायत स्टेडियममा भएको उद्घाटन खेलमा कतार इक्वेडरसँग पराजित भयो ।

इक्वेडरले खेल २–० ले जितेको हो । दुवै गोल मध्यान्तरअघि नै सम्भव भएको थियो । दुवै गोल इक्वेडरका कप्तान इनर भ्यालेन्सियाले गरे । उनले पहिलो गोल पेनाल्टीमार्फत १६ औं मिनेटमा गरेका थिए । दोस्रो गोल उनले ३२ औं मिनेटमा गरेका हुन् ।