विद्युत सेवा भरपर्दो नभएको भन्दै सेवाग्राहीले बुझाए ज्ञापनपत्र

महोत्तरी : कम भोल्टेजको समस्याको निराकरण, सिचाई टान्सफर्मर जडानको माग गर्दै महोत्तरीको गौशालास्थित नेपाल विद्युत प्राधिकरणको प्रशाखा कार्यालयमा ज्ञापनपत्र बुझाएका छन् । शुक्रबार विहान १० बजेको समयमा स्थानीय सेवाग्राहीहरुको एक समूहले विभिन्न माग राख्दै कार्यालय प्रमुख उपप्रवन्धक उमेशप्रसाद यादवलाई ज्ञापनपत्र बुझाइएको हो ।

ज्ञापनपत्रमा कम भोल्टेज र टान्सफर्मरको अभावमा किसानहरु खेतमा सिंचाइबाट बन्चित भएको, जडान गरिएको टान्सफर्मरहरु सुरक्षाको अभावका चोरी हुनेमा बढोत्तरी, खेतमा जडान गरिएको स्याल र टयुवेल कम भोल्टेजको कारण किसानहरु समस्यामा रहेको जनाइएको छ । यस्ता समस्याहरु समाधान समयमै गरी किसानहरुको पीरमार्कामा मल्हम दल्नका लागि सो ज्ञापनपत्रमार्फत कार्यालयलाई आग्रह गरेका छन् ।