ब्राइटन, वुल्भ्स विजयी हुँदा एस्टन र क्रिस्टल, एभर्टन र ब्रेन्टफोर्डले अंक बाँडे

काठमाडौं । इंग्लिश प्रिमियर लिगमा ब्राइटन र वुल्भ्स विजयी हुँदा एस्टन भिल्ला र क्रिस्टल प्यालेस, एभर्टन र ब्रेन्टफोर्डले अंक बाँडेका छन् । ब्राइटनले बर्नमथलाई २–१ गोल अन्तरले हराउँदा वुल्भ्सले फुलहमविरुद्ध ४–१ को फराकिलो जित निकाल्यो ।

क्रिस्टल प्यालेस र एस्टन भिल्लाले २–२ को बराबरी खेल्दै अंक बाँडेका छन् भने एभर्टन र ब्रेन्टफोर्डले भने गोलरहित बराबरी खेलका छन् । ब्रेन्टफोर्डका एक खेलाडी सुरुमै निकालिएपछि १० जनामा सिमित भएकामा एभर्टनले अवसरको फाइदा उठाउन सकेन ।