कांग्रेस गोरखाद्वारा विशेष महाधिवेशनमा सहभागी हुन आग्रह

गोरखा । नेपाली कांग्रेस जिल्ला कार्यसमिति, गोरखाले पार्टीको ‘विशेष महाधिवेशन’मा गोरखा जिल्लाबाट सहभागी हुन सबै महासमिति सदस्य एवं प्रतिनिधिहरूलाई आग्रह गरेको छ ।

पार्टीका जिल्ला सभापति नन्दप्रसाद न्यौपानेसहित गोरखा नगरपालिकाबाहेकका सबै पालिका समितिका सभापति, क्षेत्रीय सभापतिहरूलगायतले बिहीबार संयुक्त हस्ताक्षरसहितको विज्ञप्ति जारी गर्दै विशेष महाधिवेशनमा सहभागी हुन प्रतिनिधिहरूलाई अनुरोध गरिएको हो ।