उपयुक्त निर्वाचन प्रणालीको अवलम्बन जरुरी
rajdhanidaily.com · Sun May 29 23:28:00 GMT 2022
प्रारम्भः
लोकतन्त्रमा जनताले आफ्ना प्रतिनिधिमार्फत आफैंमाथि शासन गर्दछन् । मतदाताले आफ्नो आस्था नजिकको राजनीतिक दललाई मतदान गरी जनतानिहीत सार्वभौम सत्ता र राजकीय सत्ताको प्रयोग गर्दै शासन सञ्चालन प्रक्रियामा सहभागिता, सम्मान र संरक्षणको सुनिश्चितता गर्दछन् । देशमा शासन सञ्चालन गर्ने पहिलो सर्तका रूपमा परिपक्व राजनीतिक संस्कारको विकासलाई लिने गरिन्छ । शासन व्यवस्थामा सबै जनताको सहभागिताको सुनिश्चितता हुँदा मात्र यस्तो राजनीतिक संस्कृतिको विकास सम्भव हुन्छ । यस प्रकारको प्रत्याभूति न्यायोचित र समानुपातिक प्रतिनिधित्व गराएर मात्र सम्भव हुन्छ । सबै वर्ग, जातजाति, क्षेत्रीय र लैंगिकलगायतका समस्याको समाधान यी सबैको न्यायोचित र अर्थपूर्ण सहभागिताबाट मात्र सुनिश्चित हुन्छ । सबैको साझा शासन कायम हुँदा सरकारले मान्यता समर्थन प्राप्त गरी सरकारी कामकारबाहीमा जनस्तरको स्वामित्वभाव रहन्छ । उपयुक्त निर्वाचन प्रणालीबाट मात्र यो अवस्थाको सिर्जना हुन सक्दछ । विभिन्न देशले आफ्नो विशिष्ट परिस्थितिलाई मनन गरी उपयुक्त निर्वाचन प्रणालीको अवलम्बन गरिआएका छन् । नेपालले यही पक्षलाई दृष्टिगत गरी मिश्रित निर्वाचन प्रणालीको कार्यान्वयन गरिराखेको छ ।
स्रोतमा पूरा पढ्नुहोस् (rajdhanidaily.com)