ब्राजिललाई हराउँदै नर्वे क्वाटरफाइनलमा

न्युयोर्क । इर्लिङ हालान्डको दुई गोलमा नर्वेले सोमबार ब्राजिललाई २–१ गोलले पराजित गर्दै क्वाटरफाइनलमा प्रवेश गरेको छ । खेलको अन्तिमतिर हालान्डले २ गोल गरेका थिए भने नर्वेका गोलरक्षक ओर्जान निलान्डले उत्कृष्ट बचाउहरु गरेका थिए ।

नर्वे पहिलो पटक विश्वकपको क्वाटरफाइनल पुगेको हो । हारपछि सन् २००२ यता पहिलो पटक विश्वकप उपाधि जित्ने ब्राजिलको सपना यसपटक पनि अधुरो नै रह्यो । ब्राजिलले कीर्तिमानयुक्त ५ पटक विश्वकप जितेको छ ।