एसएसबीका प्रमुख अर्को साता नेपाल आउँदै, सशस्त्र प्रहरीसँग सीमा सुरक्षा बैठक हुने

भारतीय सशस्त्र सीमा बल (एसएसबी) का प्रमुख सुजोय लाल थाओसेन आगामी साता नेपाल आउने भएका छन्। परराष्ट्र स्रोतका अनुसार नेपालको सशस्त्र प्रहरी (एपीएफ) र एसएसबीबीच आयोजना हुन लागेको वार्षिक समन्वय बैठकमा भाग लिन थाओसेन आउन लागेका हुन्।

बैठक असोज ५ देखि ७ गतेसम्म काठमाडौँमा आयोजना हुनेछ। उक्त बैठकमा सीमा अपराध नियन्त्रण, एपीएफ र एसएसबीबीच सूचना आदानप्रदान लगायत अन्तरदेशीय सीमा सुरक्षाका सबै विषयमा छलफल हुने भएको छ।