टी–२० सिरिज : जित्नैपर्ने दबाबमा नेपाल, आज नामिबियासँग भिड्दै

घरेलु मैदानमा जारी त्रिकोणात्मक टी–२० आई सिरिजमा नेपालले आज नामिबियाको सामना गर्दैछ । नेपाल र नामिबियाबीचको खेल बिहान साढे ११ बजे कीर्तिपुरस्थित त्रिवि मैदानमा सुरु हुनेछ ।

जारी श्रृंखलामा नेपाल पहिलो जितको खोजीमा छ । नेपालले पहिलो खेलमा नामिबियासँग २० रन तथा दोस्रो म्याचमा नेदरल्याण्ड्सविरुद्ध २ रनको हार बेहोरेको थियो। फाइनल सम्भावना कायमै राख्न नेपाल आज जित्नैपर्ने दबाबमा छ, अन्यथा नेपाल एक खेल अगावै फाइनल दौडबाट बाहिरिनेछ ।