जाजरकोट भूकम्पको सन्देश

भूकम्पको उच्च संभावना रहेको नेपालमा भूकम्प कहिले जाला भनेर वादविवाद गरेर बस्नुको कुनै औचित्य छैन।

गोरखा केन्द्रबिन्दु भएर गएको विनाशकारी भूकम्पको आठ वर्षपछि शुक्रबार मध्यरातमा जाजरकोट लक्षित भूकम्प गएको छ। ठूलो मानवीय क्षति हुने गरी ६.४ रिक्टर स्केलको यस भूकम्पले नेपाली जनमानसमा त्रासको स्थिति पैदा गरेको छ। यो भूकम्पले गरेको मानवीय क्षतिको विवरण आउने क्रम जारी छ भने क्षति बढ्दै जाने संभावना देखिएको छ। यसबाहेक पनि पछिल्लो समयमा पश्चिम नेपालमा बढीमात्रा भूकम्पहरू गइरहेको राष्ट्रिय भूकम्प मापन केन्द्रको तथ्यांकले देखाएको छ।