वर्तमान सरकारले मधेशप्रति अन्याय गर्‍यो, अब सबै मधेशी जनता एकजुट हुनुपर्छ : उपेन्द्र यादव

जनता समाजवादी पार्टी (जसपा) नेपालका केन्द्रीय अध्यक्ष उपेन्द्र यादवले संघीयता विरोधी शक्तिहरू फेरि पनि मुलुकमा सल्बलाउन थालेको आरोप लगाएका छन् ।

बाराको कलैयामा पार्टीले आयोजना गरेको विस्तारित बैठकलाई शनिवार सम्बोधन गर्दै पूर्व उपप्रधानमन्त्री समेत रहेका यादवले संघीयताका लागि पहलकदमी गर्ने पार्टी खासगरी तत्कालीन मधेशी जनअधिकार फोरम र हाल जनता समाजवादी पार्टीलाई कमजोर पारी मुलुकबाट संघीयता नै समाप्त पार्ने खेल भइरहेको टिप्पणी गरे ।