गोदामबाट करोडौंको अवैध कपडा बरामद

सर्लाहीको हरिपुर्वा नगरपालिका-३ धनकौलस्थित एक घरगोदाममा लुकाइछिपाइ राखेको करिब एक करोड रुपैयाँ बराबरको अवैध कपडा सुरक्षाकर्मीले बरामद गरेको छ। भारतबाट तस्करी गरी भण्डारण गरिराखेको अवस्थामा संयुक्त सुरक्षा टोलीले उक्त कपडा बरामद गरेको हो।

सशस्त्र प्रहरी बल नम्बर २ बाहिनी मुख्यालय बर्दिबास महोत्तरीको निर्देशनमा सर्लाही भन्सार कार्यालय, नेपाल प्रहरी र सशस्त्र प्रहरीको संयुक्त टोलीले छापामारी प्रहरीको दुई भ्यान र एक पिकअप अवैध कपडा नियन्त्रणमा लिएको हो।