कमेडीपछि अटिजमको संवेदनशिल कथामा कपिलको गौंथली

पहिलो फिल्म ह्यारी कि प्यारीबाट कमेडी कथामा जितु नेपाललाई नायकका रूपमा प्रस्तुत गरेका निर्देशक डा. कपिल रिजालले यसपटक भने बिल्कुलै फरक विषयमा फिल्म निर्माण गरेका छन्।

आगामी साउन १ गते रिलीजमा आउने फिल्म गौंथलीमार्फत उनले अटिजमजस्तो संवेदनशील विषयलाई फिल्मको विषय बनाएका छन्। फिल्मको कथा र विषयवस्तुले सुरुदेखि नै दर्शकको ध्यान आकर्षित गरेको छ। फिल्मका मुख्य कलाकार अरुण क्षेत्री र सिम्रन खड्का गौंगलीको पात्रकै रूपमा सार्वजनिक कार्यक्रममा सहभागी भइरहेका छन्। फिल्मको गीत सार्वजनिक कार्यक्रममा उनीहरू बेहुला–बेहुलीको वेशभूषामा पुगेका थिए। किनभने फिल्म र गीत दुवैमा उनीहरू त्यही रुपमा देखिएका छन्। त्यसपछि एक टेलिभिजन कार्यक्रममा पनि उनीहरू पात्रबाट बाहिरिएनन्। सिम्रनले १५ वर्षको उमेरमै अटिजम भएका व्यक्तिस“ग विवाह गरेको पात्रका रूपमा अभिनय गरेकी छन्। अरुणले अटिजम भएका पात्रको भूमिका निर्वाह गरेका छन्।