दोहोरो चपेटामा राधास्वामीका सुकुम्वासी : एकातिर बाढीको डर, अर्कोतिर सरकारको चेतावनी

काठमाडौं- कीर्तिपुरस्थित राधास्वामी होल्डिङ सेन्टरमा आश्रय लिइरहेका सुकुमवासीहरूको जनजीवन वर्षाका कारण कष्टकर बनेको छ । एकातिर टेन्टभित्रै बाढी र पानी पसेर सुकुम्वासीहरू बिचल्लीमा परेका छन् भने अर्कोतिर सरकारले असार २४ गतेभित्र बैंक खाता नम्बर उपलब्ध नगराए राहत रकम नदिने चेतावनीसहित सूचना टाँस गरेपछि पीडितहरू थप दबाबमा परेका छन् ।