रिलिज डेट नतोकिंदै अन्तर्राष्ट्रिय बजारमा बिक्यो पेन्सनपट्टा

निर्देशक माओत्से गुरुङको नयाँ फिल्म पेन्सन पट्टाले प्रदर्शनअघि नै अन्तर्राष्ट्रिय बजारमा राम्रो व्यापारिक सम्भावना देखाएको छ। बेलायत र हङकङपछि अब फिल्मको अष्ट्रेलिया तथा न्युजिल्यान्ड प्रदर्शन अधिकार बिक्री भएको निर्माण पक्षले जनाएको छ।

निर्माण टिमका अनुसार अष्ट्रेलिया र न्युजिल्यान्डको प्रदर्शन अधिकार द ब्याक इभेन्ट्सले खरिद गरेको छ। यसअघि बेलायतका लागि सपन इन्टरटेन्टमेन्ट लिमिटेड र हङकङका लागि मेन ड्रागन लिमिटेडले प्रदर्शन अधिकार खरिद गरेका थिए। रिलिज डेट घोषणा हुनुअघि नै विभिन्न अन्तर्राष्ट्रिय बजारमा फिल्मको अधिकार बिक्री भएको हो।