राउन्ड अफ ३२ सम्म गोलै नखाएको मेक्सिको 'घर गयो', इङ्ग्ल्यान्ड क्वाटरफाइनलमा

काठमाडौं । रोमाञ्चक प्रतिस्पर्धामा १० खेलाडीमा सीमित भए पनि इंग्ल्यान्डले सहआयोजक मेक्सिकोलाई ३–२ ले पराजित गर्दै फिफा विश्वकप २०२६ को क्वाटरफाइनलमा स्थान सुरक्षित गरेको छ । यो विश्वकपमा एक गोल पनि नखाएको सहआयोजक मेक्सिकोलाई इंग्ल्यान्डले पराजित गर्दै घर फर्काएको हो ।

गोल, पेनाल्टी, भिएआरको हस्तक्षेप र रातो कार्डसहित उतारचढावपूर्ण बनेको सोमबार बिहान मेक्सिको सिटीस्थित अज्टेका स्टेडियमको खेलमा इंग्ल्यान्डले अन्ततः जित निकाल्दै अन्तिम आठमा स्थान बनायो। अब इंग्लिस टोलीले सेमिफाइनल प्रवेशका लागि नर्वेसँग प्रतिस्पर्धा गर्नेछ।