बाबु छोराको हत्या प्रकरण : हत्यामा संलग्न रहेको आरोपमा तीन पक्राउ 

सिराहाको अर्नमा गाउँपालिका १ महनौरस्थित पालटोमा १० दिनअघि आफ्नै घरमा सुतिरहेको अवस्थामा धारिलो हतियार प्रयोग गरी हत्या गरिएका बाबुछोराको हत्या अभियोगमा प्रहरीले तीनजनालाई पक्राउ गरी मंगलबार सार्वजनिक गरेको छ ।

जिल्ला प्रहरी कार्यालयमा आयोजित पत्रकार सम्मेलनमा ६० वर्षीय चन्देश्वर पाल र उनका छोरा १९ वर्षीय सन्तकुमार पालको हत्यामा संलग्न रहेको आरोपमा पक्राउ गरिएका मृतक चन्देश्वरकी साहिँली बुहारी २६ वर्षीया शान्तिदेवी पाल, गोलबजार नगरपालिका ४ बस्ने ६५ वर्षीय बेचु पाल र अर्नमा १ महनौरका ४८ वर्षीय जनिफ मियाँलाई सार्वजनिक गरेको हो ।