शक्तिशाली सरकारको सामान्य बजेट

देशमा अहिले संघीय संसद््का दुई ठूला दल नेपाली कांग्रेस र नेकपा एमाले मिलेर बनेको शक्तिशाली सरकार छ । करिब दुई तिहाइ बहुमतले बनेको यो सरकार राजनीतिक एवं अंकगणितीय हिसाबले समेत बलियो मानिएको छ ।

सरकारले परम्परागत पद्धति त्यागेर नयाँ शैलीको प्रभावकारी बजेट ल्याउने अपेक्षा गरिएको थियो । तथापि, यो अपेक्षा अहिले पनि पूरा हुन सकेन । आगामी आव २०८२-८३ का लागि ल्याइएको बजेटमा पुरानै प्रवृत्ति, शैली र कार्यक्रम समेटिएको देखियो ।