प्रदेश सभा खारेजी र प्रदेश सरकार पुनर्संरचनाको बहसमा के भन्छन् कर्णालीका नेता ?

सुर्खेत । सङ्घीय संसदको प्रमुख राजनीतिक दल राष्ट्रिय स्वतन्त्र पार्टी (रास्वपा)ले आफ्नो अर्थ राजनीतिक प्रस्तावमा प्रदेश सभाको खारेजीसहित सङ्घीयताको पुनर्संरचना गर्ने विषय उठाएको छ ।

आफ्नो सङ्ख्या र सामर्थ्य पुगेको दिन वर्तमान संविधान परिमार्जन गर्ने र त्यसका लागि सङ्घीयताको पुनर्संरचना गर्ने जस्ता विषय बहसका लागि प्रवेश गराइएको रास्वपाका उपसभापति स्वर्णिम वाग्लेले पार्टीको प्रथम महाधिवेशनमा प्रस्तुत गरेको प्रस्तावमा उल्लेख छ ।