सामूहिक सुन्तला खेतीले बाँझो जग्गा बन्यो हरियाली

२२ असार, गुल्मी । वर्षौंदेखि बाँझो रहेको र जंगली झाडीले ढाकिएको जमिनलाई उत्पादनमा जोड्ने उद्देश्यले गुल्मीको धुर्कोट गाउँपालिका–१ नयाँगाउँमा सामूहिक चक्लाबन्दीमार्फत व्यावसायिक सुन्तला खेती सुरु गरिएको छ ।

स्थानीय स्तरमै कृषि व्यवसाय प्रवर्द्धन, बाँझो जमिनको सदुपयोग र गाउँमै रोजगारी सिर्जना गर्ने लक्ष्यका साथ चार जना कृषकले संयुक्त रूपमा १४२ रोपनी क्षेत्रफलमा सुन्तला खेती थालेका हुन् ।