सार्वजनिक शिक्षा सुधार्न नेत्रको संघर्ष, सातै प्रदेशमा उभिएर प्रदर्शन गर्ने

पोखरा । संवैधानिक व्यवस्थासँगै सङ्घीय संरचना कार्यान्वयनमा गएपछि सबैभन्दा पहिले ल्याउनुपर्ने भनिएको शिक्षा ऐन अहिलेसम्म आएको छैन । विधेयकको रूपमा संसदीय समितिमा छलफलको क्रममा छ । यद्यपि ऐन जारी हुने समय लम्बिइरहेको छ । विद्यालय शिक्षाको सुधार र शिक्षा ऐन माग गर्दै पोखराका नेत्र चपाईं आन्दोलनमा छन् ।

पोखराको मानवअधिकार चोकबाट सरकारको ध्यानाकर्षणमा जुटेका चपाईं सातै प्रदेशको सदरमुकाम पुगेर प्रदर्शन गर्नेछन् । न भिडभाड, न चर्का भाषण । मात्र भनिरहेका छन्, ‘यो देशको भविष्यका लागि शिक्षा ऐन चाहियो ।’