न्युक्यासलको प्रदर्शनमा धक्का, वेष्टह्यामसँग नसोचेको हार

काठमाडौं । इंग्लिश प्रिमियर लिग फुटबलमा वेष्टह्याम युनाइटेडले न्युक्यासल युनाइटेडलाई हराएको छ । सोमबार राती न्युक्यासलको घरेलु मैदानमा भएको खेलमा वेष्टह्यामले २–० को जित निकालेको हो । वेष्टह्यामलाई विजयी गराउन थोमस सौसेक र एरोन वान बिसाकाले एक-एक गोल गरे ।

यो जितले वेष्टह्यामलाई राहत मिलेको छ भने न्युक्यासललाई च्याम्पियन्स लिग जोन नजिकबाट तल झारेको छ । खेलपछि न्युक्यासलका प्रबन्धक एडी होवेले भनेका छन्, ‘जतिबेला हामी हावी थियौं, पहिलो हाफअघि बराबरी गर्न सकेको भए खेलको नजिता अलगै हुने थियो ।’