इतिहास रचेको कुरासाओमाथि जर्मनीको कहर: ७ गोल प्रहार गर्दै जर्मनीले देखायो आफ्नो शक्ति

काठमाडौँ । फिफा विश्वकप २०२६ अन्तर्गत समूह ‘इ’ को खेलमा चार पटकको विश्व विजेता जर्मनीले सानदार सुरुवात गर्दै नवप्रवेशी कुरासाओमाथि ७–१ को फराकिलो जित दर्ता गरेको छ । अमेरिकाको ह्युस्टन स्टेडियममा आइतबार भएको खेलमा जर्मनीले नवप्रवेशी र कम अनुभवी टोलीहरूविरुद्ध हाबी हुने आफ्नो ऐतिहासिक बिरासतलाई पुनः निरन्तरता दिएको छ ।

जर्मनीका लागि काइ हाभर्ट्जले दुई गोल गरे भने फेलिक्स नमेचा, निको स्लोटरबेक, जमाल मुसियाला, नथ्यानियल ब्राउन र डेनिज उन्डाभले एक–एक गोल थपे । कुरासाओका लागि खेलको २१औं मिनेटमा लिभानो कोमेनेन्सियाले बराबरी गोल फर्काएर केही समय दबाब सिर्जना गरे पनि त्यो पर्याप्त रहेन ।