ओपेक प्लसले देशहरूले उत्पादन बढाउने, कच्चा तेलको मूल्य घट्यो

दोहा । अमेरिका-इजरायल र इरानबिचको युद्धपछि ऊर्जा बजारमा सुधारका सङ्केतहरू देखिएसँगै ओपेक प्लस देशहरूले कच्चा तेलको उत्पादन बढाउने योजना घोषणा गरेका छन् । विश्व बजारको अवस्था र भावी परिदृश्यको समीक्षा गर्न भर्चुअल माध्यमबाट बसेको बैठकपछि ओपेक प्लसले आइतबार यस्तो निर्णय गरेको हो ।

नयाँ निर्णय अनुसार साउदी अरब, रुस, इराक, कुवेत, कजाकिस्तान, अल्जेरिया र ओमान गरी सात सदस्य देशले आगामी अगस्ट महिनादेखि दैनिक १ लाख ८८ हजार ब्यारेल तेल उत्पादन बढाउने छन् ।