बालेन सरकारको १०० दिन: सहकारी समस्या समाधानमा जागेको आशा

काठमाडौं । ‘आम नागरिकको पसिनाको कमाइ सुरक्षित गर्न सरकार गठन भएको १०० दिनभित्र साना बचतकर्ताहरूको बचत खातामा फिर्ता सुरु गर्नेछौं,’ राष्ट्रिय स्वतन्त्र पार्टीले २०८२ फागुन २१ गतेको चुनावअगाडि वाचापत्र सार्वजनिक गर्दै भनेको थियो ।

बचतकर्ताहरूको कमाइ सुरक्षित गर्न राज्यको तर्फबाट एक ‘एकीकृत बचत सुरक्षा कोष’ स्थापना गर्ने र जसले संकटग्रस्त संस्थाहरूका बचतकर्तालाई प्राथमिकताका आधारमा साना बचतकर्तादेखि सुरु गरी भुक्तानी दिने व्यवस्था गर्ने वाचापत्रमा उल्लेख थियो ।