अधिकांश सेयर नेपालीको स्वामित्वमा ल्याउन एनसेल तयार

काठमाडौं । दूरसञ्चार सेवा प्रदायक एनसेल आजियाटा लिमिटेडले आफ्नो सेयर खरिद–बिक्री, अनुमतिपत्र नवीकरण र त्यससँग जोडिएका सर्तहरू पुनरावलोकन गर्न सरकारसँग माग गरेको छ । एनसेल’bout मन्त्रिपरिषद् का पछिल्ला केही निर्णय पुनरावलोकनका लागि आग्रह गर्दै एनसेलले पत्रमार्फत सरकारको ध्यानाकर्षण गराएको हो ।

प्रधानमन्त्रीलाई बुझाइएको पत्रमा दूरसञ्चार नियमावलीको दसौं संशोधनमार्फत थपिएको नियम ७ (क) खारेज गरी एनसेल आजियाटा लिमिटेडमा हाल कायम नेपाली नागरिक तथा संस्थाको पुँजी लगानी ५० प्रतिशतभन्दा बढी कायम गर्दै कम्पनीको अधिकांश स्वामित्व नेपालीको बनाउने प्रस्ताव गरिएको छ । एनसेलले वैदेशिक लगानी तथा प्रविधि हस्तान्तरण ऐन, २०७५ को दफा १८ (क) कार्यान्वयनका लागि तत्कालीन मन्त्रिपरिषद्को ६ फागुन २०८० को निर्णय पुनरावलोकन गर्न सरकारसँग आग्रह गरेको छ ।