सार्वजनिक सेवा प्रसारण संस्थाको अध्यक्ष पदको विज्ञापन रद्द

काठमाडौं । सञ्चार तथा सूचना प्रविधि मन्त्रालयले सार्वजनिक सेवा प्रसारण संस्थाको अध्यक्ष पदका लागि खुलाएको दरखास्त आह्वानको प्रक्रिया रद्द गरेको छ।

मन्त्रालयले यही जेठ ७ गते गोरखापत्र दैनिकमा सूचना निकाल्दै उक्त रिक्त पदपूर्तिका लागि आवेदन मागेको थियो। तर, विज्ञापन खुलाएको भोलिपल्टै (जेठ ८ गते) अर्को सूचना जारी गर्दै मन्त्रालयले दरखास्त प्रक्रिया स्थगित गरेको हो।