एनपीएल अक्सनका लागि १५५ खेलाडी छनोट, ३ करोड ७३ लाख खर्चेर ८ टोलीले ५२ जना अनुबन्ध गर्ने

काठमाडौं । नेपाल क्रिकेट संघ (क्यान) ले सिद्धार्थ बैंक नेपाल प्रिमियर लिग (एनपीएल) को तेस्रो संस्करणका लागि हुने खेलाडी अक्सनमा सहभागी हुने १५५ खेलाडीको अन्तिम सूची सार्वजनिक गरेको छ। सोमबार काठमाडौंमा हुने अक्सनमार्फत आठ फ्रेन्चाइज टोलीले कुल ५२ नेपाली खेलाडी अनुबन्ध गर्नेछन् ।

क्यानका अनुसार अक्सनका लागि प्रारम्भिक रूपमा ३४७ खेलाडीले नाम दर्ता गराएका थिए । तीमध्ये छनोट प्रक्रियापछि १५५ खेलाडीलाई अक्सनमा समावेश गरिएको हो । छनोट भएका खेलाडीमध्ये ‘ए’ श्रेणीमा ५, ‘बी’ श्रेणीमा २७ र ‘सी’ श्रेणीमा १२३ खेलाडी रहेका छन् ।