म्याक्स ओ डाउडको ऐतिहासिक पारीले नेदरल्याण्ड्सलाई कीर्तिमानी जित

काठमाडौँ । डन्डीमा भएको विश्वकप लिग २ को खेलमा नेदरल्याण्ड्सले स्कटल्याण्डलाई ४ विकेटले हराउँदै एक दिवसीय क्रिकेट इतिहासमा तेस्रो सबैभन्दा ठुलो लक्ष्य सफलतापूर्वक पछ्याएको छ।

लिग २ अन्तर्गत जारी शृंखलाको अन्तिम खेलमा बिहीबार स्कटल्याण्डले टस जितेर पहिले ब्याटिङ गर्दै जर्ज मुन्सेको १९१ रनको विस्फोटक पारीको मद्दतले ५० ओभरमा ६ विकेटको क्षतिमा ३६९ रन बनाएको थियो। मुन्सेको यो स्कोर कुनै पनि एसोसिएट खेलाडीद्वारा बनाइएको एक दिवसीय क्रिकेटको सर्वाधिक व्यक्तिगत स्कोर हो।