गोला–बारुद बनाउन भारतले इजरायली सेनाका लागि पठाउँदै गरेको स्टिल इटालीमा रोकियो

काठमाडौं । इटालीका अधिकारीहरूले भारतबाट इजरायल पठाएको ‘सैन्य–ग्रेड स्टिल’का तीनवटा ठूला जहाज आफ्ना बन्दरगाहहरूमा रोकेका छन् ।

मानवाधिकारकर्मी तथा प्रदर्शनकारीहरूको हस्तक्षेपपछि इटालीले यो कदम चालेको बताइएको छ । अधिकारकर्मी समूहहरूले उक्त स्टिल इजरायली सेनाका लागि हतियार तथा गोला–बारुद निर्माणमा प्रयोग हुने खुलासा गरेपछि कारबाही गरिएको जनाइएको छ ।