कैलालीमा टेम्पो भिरमा खसालिएको घटनामा ११ वन कर्मचारी पक्राउ,

कैलालीमा सडक छेउमा राखिएको टेम्पोलाई वन कर्मचारीले भिरमा खसालेको घटनाको अनुसन्धानका लागि प्रहरीले ११ जनालाई नियन्त्रणमा लिएको छ।

शुक्रबार गोदावरी नगरपालिका–४ स्थित गाईमारे डाँडामा स्थानीय धनादेवी धामीको टेम्पो भिरबाट फालिएको घटनाबारे सोधपुछ गर्न उनीहरूलाई नियन्त्रणमा लिइएको जिल्ला प्रहरी कार्यालय कैलालीले जनाएको छ। प्रहरीले नियन्त्रणमा लिइएका व्यक्तिहरूको नाम सार्वजनिक गरेको छैन।