नेपाल र अमेरिका आमनेसामने हुँदै, अघिल्लो जित दोहोर्‍याउने दाउमा नेपाल

काठमाडौं । आईसीसी पुरुष क्रिकेट विश्वकप लिग–२ अन्तर्गतको महत्त्वपूर्ण खेलमा आज नेपाल र अमेरिका आमनेसामने हुँदैछन्। सन् २०२७ को एकदिवसीय विश्वकप छनोटको यात्रा तय गर्न दुवै टोलीका लागि कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने यो खेल निकै अर्थपूर्ण छ। नेपाली समयअनुसार बिहान ९:३० बजेदेखि खेल सुरु हुनेछ।

यस प्रतियोगिताको अन्त्यमा अङ्क तालिकाको शीर्ष चारमा रहने टोलीहरूले सन् २०२७ को एकदिवसीय विश्वकप छनोटमा सिधै स्थान पक्का गर्नेछन्। बाँकी टोलीले भने प्ले–अफको कठिन बाटो पार गर्नुपर्नेछ।