आर्थिक अनियमिततालगायत आरोपमा रास्वपा बारा सभापति स्वर्णकार पार्टीबाट निष्कासित

काठमाडौँ- राष्ट्रिय स्वतन्त्र पार्टी (रास्वपा) बारा जिल्ला सभापति चन्दन स्वर्णकारको पार्टी साधारण सदस्यता खारेज गरिएको छ। केन्द्रीय संगठन विभागका सचिव शंकर श्रेष्ठले उनलाई पत्र पठाउँदै सदस्यता खारेज भएको जानकारी दिएका हुन्।

अनुशासन आयोगमा बारा जिल्लाबाट निर्वाचित चार जना सांसदहरूले स्वर्णकारविरुद्ध आर्थिक अनियमितता, पार्टी संगठन प्रभावकारी रूपमा सञ्चालन नगरेको तथा विपक्षी दलका उम्मेदवारको पक्षमा लागेको लगायतका आरोपसहित उजुरी दिएका थिए।