निजगढमा श्रीमान्‌ले गरे श्रीमतीको हत्या 

बारा — बाराको निजगढ नगरपालिका ९ भमरा टोलमा मंगलबार राति श्रीमान्‌ले श्रीमतिको हत्या गरेका छन् । शौच गर्न बसेकी ३८ वर्षीया लक्ष्मी राईलाई उनका श्रीमान् ४२ वर्षीय बिमल बस्नेतले घाँटीमा खुर्पा प्रहार गर्दा घटनास्थलमै मृत्यु भएको निजगढ इलाका प्रहरी कार्यालयका प्रहरी निरीक्षक सुमित कुशवाहाले बताए ।

बिमलको खुर्पा प्रहारबाट उनकी २ छोरी १७ वर्षीया गंगा राई र जमुना राईसमेत घाइते भएका छन् ।