रातोपाटीकर्मी कुवेर गिरी ‘राष्ट्रिय चलचित्र पत्रकारिता सम्मान २०८३’ बाट सम्मानित

काठमाडौँ । रातोपाटीकर्मी कुवेर गिरी ‘राष्ट्रिय चलचित्र पत्रकारिता सम्मान २०८३’ बाट सम्मानित भएका छन् । बिहीबार साँझ आयोजित ‘चलचित्र पत्रकार संघको २७ औँ वार्षिकोत्सव तथा राष्ट्रिय चलचित्र पत्रकारिता दिवस’को अवसरमा आयोजित एक भव्य समारोहबिच गिरीलाई चलचित्र विकास बोर्डका अध्यक्ष दिनेश डिसी, महानायक राजेश हमाल, सदाबहार अभिनेत्री करिस्मा मानन्धर, वरिष्ठ अभिनेत्रीत्रय भुवन चन्द, वसुन्धरा भुसाल, चैत्यदेवी सिंर, अभिनेत्री रेखा थापा, अभिनेता निखिल उप्रेती लगायतले खादा, फुलमाला, ट्रफी र सम्मान पत्रले सम्मान गरेका थिए ।

दुई दशक यता चलचित्र पत्रकारितामा सक्रिय गिरीले राष्ट्रिय तथा अन्तर्राष्ट्रिय गरी ४ दर्जनबढी पुरस्कार सम्मान प्राप्त गरिसकेका छन् । चलचित्र पत्रकार संघका निवर्तमान उापध्यक्ष समेत रहेका गिरी नेपाल सरकारकारको केन्द्रीय चलचित्र जाँच पास समितिमा रहेर पनि काम गरिसकेका छन् ।