दिल्लीमा ठूलो दुर्घटना टर्‍यो : एयर इन्डियाको विमानको इन्जिनमा आगलागी, १६० यात्रु सकुशल

काठमाडौं ।

भारतको बेंगलुरुबाट दिल्लीका लागि उडेको Air India को एक उडानको इन्जिनमा आगलागी भएपछि विमानले दिल्ली विमानस्थलमा आपतकालीन तर सुरक्षित अवतरण गरेको छ । विमानमा सवार सबै १६० यात्रु तथा चालक दलका सदस्य सकुशल रहेको जनाइएको छ । भारतीय सञ्चारमाध्यमहरूका अनुसार बिहीबार साँझ अवतरणको अन्तिम चरणमा पुगेको बेला ककपिट चालक दलले इन्जिनमा आगलागी भएको संकेत पाएको थियो ।